MAOS Innovación Social, S. Coop. Galega colaborou co Museo do Pobo Galego na preparación das edicións do Café da Memoria de Gandeiras, Traballar en casa allea e Traballadoras da Conserva que organiza esta institución. A participación de MAOS centrouse en contactar e entrevistar posibles participantes e tamén contribuíu a elaborar o guión do encontro.
En 2016 celebrouse o Café da Memoria de homenaxe ás Gandeiras, encontro que contou coa participación de Pilar Camba Cardil, Marina Rei e Pilar Guimarei (gandeiras de profesión) e que foi moderado por Lara Barros.
No ano seguinte a temática abordada foi a das mulleres que foron Traballar en casa allea. Nesta ocasión, o café contou coas intervencións de Arsenia Suárez Nieto, Manuela Viqueira Turnes, Esther Iglesias Gil e Carmela Casal Ruibal e foi moderado pola nosa compañeira Alba Otero.
A edición de 2018 estivo dedicada ás Traballadoras da conserva e da súa experiencia falaron Dolores García Martínez, María Cabrejo Soto, Isabel Barcia Gerpe e Elsa Torres Citoula. A mesa estivo moderada nesta ocasión por Encarna Otero.
Cartel do Café da Memoria “Gandeiras”. 
Cartel do Café da Memoria “Traballar en casa allea”. 
Cartel do Café da Memoria “Traballadoras da Conserva”