O 21 de outubro de 1923 asinouse a acta fundacional do Seminario de Estudos Galegos na rúa Concepción Arenal 10, Santiago de Compostela. Festexamos, por tanto, o centenario dunha das institucións máis importantes da nosa historia recente. Con este motivo, a área de Cultura do Concello de Santiago encargounos o deseño e guía dun paseo e a creación dunha unidade didáctica.

O paseo guiámolo con grande afluencia tanto nas Festas da Ascensión como na Selic, e repetirémolo os días 21 e 22 de outubro coincidindo con esa data fundacional. Nese mes de outubro distribuirase gratuitamente a unidade didáctica que estamos a elaborar nestes momentos e que está pensada para todos os públicos, aínda que terá especial aproveitamento nos centros de ensino.

Reunión do 30 de maio de 1936 na biblioteca do Seminario de Estudos Galegos (Pazo de Fonseca). (Fotografía pertencente aos fondos da Fundación Otero Pedrayo e da Fundación Penzo. Coloreada por MAOS)

Deixar unha resposta